من قلب الفوضى لرسالة النور:
هكذا بدأت الحكاية

هذه المنصة ما تولداتش من كتاب أو فكرة عابرة، بل تولدات من رحم تجربة حقيقية، من قلب الألم والفوضى. كانت حياتي عبارة عن تمرد وغضب، كنسعى نثبت وجودي للعالم وأنا أصلا ما عارفاش شكون أنا. كنت كنبيع "الجمال الخارجي" وأنا من الداخل تائهة وكنقلب على بوصلة.

التوقف الإجباري ديال كورونا كان هو نقطة التحول. تما فين سمعت صوت روحي لأول مرة كيقولي بلي رسالتي أعمق. ديك الساعة، قررت نغوص فبحر الوعي، وواجهت كل البركانات لي كانت مدفونة فيا.